بچوں کے عقائد بچپن ہی میں پختہ ہوں تو بہتر ہے۔ مولانا محمد عارف قاسمی

تفصیلات کے مطابق مؤرخہ 16 ستمبر تحفظ دین ختمِ نبوت میڈیا کے ڈائریکٹر حضرت قاری ضیاء الرحمن صاحب فاروقی کی سرپرستی میں ملک بھر میں جاری تحفظ ختمِ نبوت کوئز کے سلسلے میں مظفرنگر ضلع صدر مولانا سہیل اختر رحیمی کی ائماء پر ایک وفد مظفرنگر کے کوکڑہ میں مکتب مسجد کوکڑہ مظفرنگر میں ختمِ نبوت کوئز کا پیغام لے کر پہنچا جہاں مکتب کے ذمہ دار مفتی محمد شاہ نواز صاحب کے ساتھ کوئز کا آغاز کیا گیا جس میں ایک مختصر تقریب کا انعقاد کرکے طلباء کو ختمِ نبوت کا مفہوم سمجھایا گیا ختمِ نبوت میڈیا وفد کے ذمہ دار مولانا محمد عارف قاسمی صاحب نے طلباء کو خطاب کرتے ہوئے کہا کہ یہ دور فتنوں کا دور ہے اس دور میں عقائد کا تحفظ ایک چیلنج بن گیا اور علماء کرام کا الحمد للہ ہر دور چیلنجز کو قبول کرتے ہوئے فتنوں کا سد باب کرتے آۓ ہیں چنانچہ آج بھی اسی انداز میں ان چیلنجز کا مقابلہ کررہے ہیں لہٰذا اس پر فتن دور میں ہمارے لئے ضروری ہے کہ ہم اپنے بچوں کے عقائد پر خاص توجہ دیں تاکہ مستقبل میں کوئ ملعون ہمارے بچوں کے عقائد کو خراب نہ کر سکے مولانا موصوف نے مزید روشنی ڈالتے ہوۓ کہا کہ ہماری تحفظ دین ختمِ نبوت کی ٹیم اس حوالے سے جو روشن خدمات انجام دے رہی ہے وہ لائق تحسین اور قابلِ مبارکباد ہیں اس موقع پر مکتب کے ذمہ دار و امام مفتی شاہنواز صاحب نے کہا کہ فتنوں کا بڑھتا ہوا تناسب دیکھتے ہوۓ یہ ضروری ہے کہ علماء کرام و دانشوران اپنے بچوں کے ایمان کی حفاظت کے لئے ہرممکن اقدامات کی کوشش کریں بعد ازاں طلباء و طالبات کو ختمِ نبوت کوئز کے کتابچے تقسیم کئے گئے محفل میں بطور خاص مفتی محمد عارف قاری محمد عمران صاحب موجود رہے