لا پاز (بولیویا): بولیویا کے دارالحکومت La Paz سے متصل شہر El Alto جمعہ کے روز ایک خوفناک فضائی سانحہ پیش آیا، جہاں بولیویا کی فضائیہ کا ایک فوجی مال بردار طیارہ مصروف شاہراہ پر گر کر تباہ ہو گیا
سرکاری حکام کے مطابق حادثے میں کم از کم 15 افراد جاں بحق جبکہ متعدد زخمی ہو گئے۔
🔴#BREAKING | Bolivian Military Plane Carrying Banknotes Crashes, 15 Dead
NDTV’s @newshoundarjun joins @reetksahni with more details pic.twitter.com/myiZQHaueW
— NDTV (@ndtv) February 28, 2026
حکام کا مؤقف
فائر بریگیڈ کے سربراہ پاویل ٹوور کے مطابق ہلاکتوں کی تعداد میں اضافے کا اندیشہ ہے۔ انہوں نے بتایا کہ تاحال یہ واضح نہیں ہو سکا کہ جاں بحق افراد طیارے میں سوار تھے یا شاہراہ پر موجود شہریوں میں شامل تھے۔ جائے وقوعہ کو سکیورٹی حصار میں لے کر مکمل چھان بین شروع کر دی گئی ہے۔
مرکزی بینک کی نئی کرنسی لے جا رہا تھا طیارہ
ابتدائی اطلاعات کے مطابق حادثے کا شکار ہونے والا ہرکولیس طیارہ Bolivian Air Force کی ملکیت تھا اور وہ Central Bank of Bolivia سے نئی کرنسی لے کر مختلف شہروں کی جانب روانہ ہوا تھا۔ زمین سے ٹکرانے کے بعد نوٹوں کے بنڈل فضا میں بکھر گئے اور سڑک پر دور دور تک پھیل گئے، جس کے باعث موقع پر شدید افراتفری پھیل گئی۔
نقدی بکھرنے سے افراتفری
سماجی ذرائع ابلاغ پر گردش کرنے والی ویڈیوز میں دیکھا جا سکتا ہے کہ ایک جانب ریسکیو آپریشن جاری تھا تو دوسری جانب بعض افراد بکھرے ہوئے نوٹ سمیٹنے کی کوشش کر رہے تھے۔ پولیس نے حفاظتی لباس اور ڈھالوں کے ساتھ پہنچ کر لوگوں کو منتشر کیا اور علاقے کو مکمل طور پر بند کر دیا تاکہ امدادی کارروائیوں میں رکاوٹ نہ آئے۔
تحقیقات اور بلیک باکس کی تلاش
تاحال یہ واضح نہیں ہو سکا کہ طیارہ پرواز بھرنے کے مرحلے میں تھا یا اترنے کی کوشش کر رہا تھا کہ اچانک حادثے کا شکار ہو گیا۔ فضائیہ اور شہری ہوا بازی کے اداروں نے مشترکہ تحقیقاتی کمیٹی قائم کر دی ہے۔ پرواز کے ریکارڈ محفوظ کرنے والا آلہ (بلیک باکس) تلاش کیا جا رہا ہے تاکہ حادثے کی اصل وجوہات معلوم کی جا سکیں۔
حکام نے شہریوں سے اپیل کی ہے کہ غیر مصدقہ خبروں پر یقین نہ کریں اور افواہیں پھیلانے سے گریز کریں۔ مزید تفصیلات باضابطہ تحقیقات مکمل ہونے کے بعد جاری کی جائیں گی۔
About the Author
